究竟陳茂波用果四十五分鐘做咩? (估吓啫, 估吓唔係犯法呀!)

究竟陳茂波用果四十五分鐘做咩? (估吓啫, 估吓唔係犯法呀!) 

1. 揾後門 (十分鐘)

一眼睇落去冇啫, 咁大地方點都會有啲暗格或者地下通道掛. 大槪會用十分鐘, 但最後都揾唔到, 因為哩度唔係梁振英屋企.

2. 祈禱 (一秒)

咁大單嘢, 一定揾大佬

(佢大佬係梁振英喎, 係, 打電話比梁振英係下一樣)

如果佢真心相信自己係「行公義, 好憐...」, 咁即係佢真係信神會係件事上保守佢. 但一如佢誤會聖經, 佢亦誤以為基督徒信神係好似黑手黨信天主一樣.

另外, 點解係一秒, 因為陳振聰坐十二年都係用兩秒, 咁佢入房仔等一下啫, 一秒都夠.

3. 打比梁振英(兩分鐘)

唔係求救, 係鬧佢.

對話如下:

波: 一早都話你果招語言偽術唔得...

英: 咁唔得都唔係我嘅原意.

波: 我而家點算? 坐多陣定出去交待先?

英: 繼續坐同出去交待係存在好大嘅空間.

波: 你會唔會撐我先?

英: 我無講過我唔撐.

波: 今次比你累死.

英: 係前朝留下嘅project累死你. 最衰曾xx. 唔好講啦, 我又見到hello kitty...........

4. 打比侯志强 (兩分鐘)

更係多謝佢啦, 為咗救自己, 竟然出到圍魏救趙, 大言不慚咁公然串香港49%嘅人. 佢咁樣講一講,

又可以爭一啲新聞時間位(但係有24小新聞台),

又爭咗報紙版位(可惜星期五通常加紙加版位),

又可以分散網民嘅2次創作精力. (但係網民其實有嘢搞係可以唔瞓)

......但禮貌上都要做.

5. 打比公關 (兩分鐘)

大致內容係咁

波: 喂, 而家咁呀...xxxxxxxxx...(講咗1 分50秒)

公關: 你小心聽住我以下嘅說話, 我冇晒計, 你咁搞法, 我唔撈...

6. 打比老婆 (兩分鐘)

波: 我而家係政府大樓困住咗, 係呀, 遲啲返, 記住叫阿四煮飯比你個家人食

老婆: 阿仔唔返嚟食喎?

波: 我講隻狗阿旺呀.

7. 玩candy crush (其餘時間)

sweet...

直至長議員大叫: 「醜婦都終需見家老翁!」