2013升中放榜

又係放榜日. 年年都有人笑到喊, 又有人勁喊.

今年最有趣嘅訪問, 我選咗兩個:

一個係無線訪問嘅爸爸, 個女想讀男女校, 因為入咗間女校所以唔開心.
坦白講, 女兒家心事, 爸爸又點會明,
但係果個爸爸諗咩我就明, 自己都係男人, 梗知啲男仔諗咩.
所以果個爸爸知個女讀女校都笑笑口, 其實爸爸都係鐘意啲女讀女校.

另一個係有線訪問嘅安慰爸.
個仔喊到死, 因為入唔到華仁, 要讀聖方.
爸爸一句話安慰的智慧話「其實讀邊間都一樣, 間間都可以讀得成書」
但係呀仔蘇都唔蘇吓佢, 我知點解,
因為個仔心諗: 「你過去六年都唔係咁講囉!」
唉! 你當啲細路好蠢咩.

升中放完榜, 星期一又DSE, 到時又會有人笑到喊, 又有人勁喊.