「人工包嘅!」

新一年, 第一天上班, 死咗! 比客人激死, 比老闆激死.

真不希望但無奈地, 馬年第一天, 又要用這一句「人工包嘅!」嚟安慰自己. 

「人工包嘅!」確實係好句, 因為事情盡是不如意, 都給這一句合理化了.
老闆自己做錯, 但係就屈你鬧你, 「人工包嘅」, well, 希望可以自我感覺好一點.
客人cheap精, 一開工搞你哩樣搞你果樣, 啲嘢返手再返手, 仲要黑面, 又要一句「人工包嘅」, 叫自己保持新年美好心境.

「人工包嘅」一句, 真係幾萬用, 但其實人工包咩? 又包幾多? 又由咩人決定?

老闆決定?
老闆鬧你, 係出自佢從心底裏覺得, 佢大過你, 佢在其位有其權,而你無權, 所以當佢覚得你做錯嘢, 佢會鬧你. 但斷估唔會有一個老闆, 係因為佢覺得你的工作數量, 未達到你所收的人工所相應該付出的數量而鬧你. (若是真的是出糧的那一個, 也不會如此思想)

客人決定?
客人激你, 會係因為佢覺得自己付出咗金錢, 而佢付出的金錢應該包括好的服務, 在那崇洋的「客人永遠是對的」白痴誤解下, 會覺得有意或無意激親你都是應該的. 但斷估沒有一個客人, 會認為因為他的一單生意, 而令你老闆賺了錢, 而你老闆所賺的錢是你的薪金來源, 所以他是你的薪金來源而有權激你 (收commission的除外). 若有這樣思想的客人, 他是痴線的.

最後, 就只有收人工的你, 又會說「人工包嘅」這一句話的你, 有權去決定「人工究竟包幾多? 」. 即為了這份人工, 你可以決定, 你忍老闆同你老闆啲客, 可以忍得幾盡.

每逄農歷年後, 特別多打工仔, 會思考哩個問題,
因為該出的雙糧出了,
該放的年假又放了,
該請人的post在jobsdb上多了,
又是時侯考慮轉工了.

話分兩頭, 一個牧者/傳道同工, 「人工包嘅」係去到咩程度, 又包幾多, 又由咩人決定. 作為信徒(客??老闆??)嘅, 又到唔你話事?