其實一碟飯賣幾錢, 點解要同你解釋?

成日有客問我, 點解我公司賣嘅嘢明明同人哋一樣, 但我公司會賣貴啲. 咁我問佢, 點解惠康百佳賣嘅嘢一樣但價格唔同? 

其實訂幾錢唔係問題, 因為選擇係個客度.

個世界一向都係咁運作. 如果價格一樣(油價), 叫懷疑合謀訂價.

社會其實係咪因為$128一碟餐旦飯就反映咗有問題? 其實有$128一碟, 有$60一碟, 有$30, 有$18, 仲有我自己煮果碟.

我食唔起$128一碟唔係一間食市有問題, 問題係點解我要用$128去食一碟$18嘅飯.

而事實上, 只要社會還是可以選擇, 唔係689果種. 你喜歡突顯身份, 咪去食128囉, 如果唔係點解有人去半島hightea, 而有人去茶記?

好啦,
去返佢抽水嘅教會問題.

中產教會令窮人唔舒服, 唔一定係中產嘅錯.

應該咁講, 團契朋友最近問我去唔去布袋澳, 我第一句話我冇錢, 唔代表團契朋友去布袋澳係中產化, 不關顧我這個貧者.

如果朋友話, 你去唔起布袋澳, 不如以後返個窮人團啦, 咁就話冇品啫.

換另一個角度, 他們每一次都去半島, 而我要求佢哋去茶記陪我, 唔去我就鬧人, 咁就係我冇品.

只要教會唔拒人於門外, 坐位又先到先得(即係公平對待人) 其實已經係照顧所有人.

剩下的, 就可能是個人自尊問題. 又或者你返教會, 有自己嘅agenda, 咁就冇人幫到你.

其實呀李生, 唔好咩都鬧中產化.

要鬧吳宗文就直接鬧. (其實搞咁多就係最後一段之嘛)

http://christiantimes.org.hk/Common/Reader/News/ShowNews.jsp?Nid=78621&Pid=1&Version=0&Cid=145&Charset=big5_hkscs