多謝滙豐

女: 我哋係滙豐打嚟架.

我: 有咩幫到你? (慣咗返工咁答.)

女: 我哋有個三個月免息貸款計劃.

我: 我冇用喎, 唔洗借錢.

女: 唔係喎! 三個月內唔洗利息喎.

我: 真係冇用, 唔洗啦.

女: 借嚟放係戶口都好, 用嘅時侯可以即時攞嚟用嘛.

我(開始坐係梳化, 諗住慢慢玩): 我就冇用勒, 不過真係有少少嘢想請教吓你. 唔知okay 唔okay?

女: 沒問題.

我: 我想問呢, 你真係會借錢, 放係度, 唔用, 三個月後還錢架?

女: 都會架, 隨時可以用嘛, 有需要就即刻用.

我(心諗: 仲撐?): 但係我想問下先, 即係咁, 我本身冇需要啦, 但係我借咗錢, 都係冇需要喎, 咁咪蝕咗搞手續啲時間囉.
又或者咁, 我本來冇需要, 但借咗之後屋企有咩突發事, 變咗有需要, 又係唔係我咀咒自己呢?
又或者咁, 我有需要時, 係咪銀行突然唔會借比我, 所以我要借定先呢? 點解我唔要嘅時侯就要我借, 我想借時就唔借呢? (我外母聽到勁笑!)

女(以下用咗一秒講晒成段說話): 多謝先生嘅寶貴意見, 如果將來有需要, 隨時揾我哋. 拜拜. (即收線)

一個電話, 令我同外母關係近咗, 多謝滙豐.