請, 不要問.

有好多客人, 好喜歡問一些不成立的問題, 甚麽是不成立的問題, 大概可分為幾類:

1. 問完等如冇問的
2. 問錯對象的
3. 問錯重點的

第一類:
例: 你賣啲嘢係真定假架?
例答: 梗係真架啦. (心裏: 痴線, 如果係假嘅, 都唔會話你聽)

第二類:
例: 你覺得銀價會升定跌?
例答: 我知就唔洗係度做. (心裏: 同問我六合彩開咩有咩分別)
例: 你知唔知其他地方咩價錢?
例答: 公司唔比我哋介紹其他公司架. (心裏: 你唔好問惠康百佳係邊)
例: 點解你貴過人哋既?
例答: 間間公司成本都唔同架. (心裏: 你唔好問惠康點貴過百佳)

第三類:
例: 銀係咪會保值?
例答: 保唔保值就因人而異. (心裏: 升咪保值, 跌咪唔保值, 睇你咩價入嘅啫)

人幾時問咩問題, 都係一門學問.  好多時老師教<不恥下問>, 沒錯, 但好多時問題問得唔好就反映了人的智慧.