流星

細女成日見個天空有嘢郁, 就會大叫：「爸爸!流星呀!」

心諗:「邊有咁多流星呀!」但都會望一望, 回一句:「飛機嚟架!」

雖未至於教女:「No. No. No. It is a plane. Not Shooting Star/Comet. C-O-M-E-T. Comet.」但亦會自嘆, 唉, 「真」聰明.

當幾次之後, 你會開始懷疑:「喂!係咪真係咁蠢呀?又流星?」雖然把口仍然係一句: 「都話飛機咯...」, 但作為有責任心的父母, 會留意到, 這只是一個細路, 把希望見到流星的願望, 化在行動上...

係香港, 星星已經是奢侈品...
奢侈之處, 因家庭而異. 可能係父母的時間, 或更實際的金錢....

更何況流星.

「爸爸!流星呀!」簡單的一句, 並不是一個認知或發現的宣告, 其實代表嘅係一份小朋友嘅願望...