【無聊】香港嘅小朋友的兩個大使命

香港嘅小朋友, 由小到大背負住兩個大使命:

1. 「讀好啲書」
2. 「揾多啲錢」

彷彿人生之中所有嘅事情都要為這兩個大使命而活. 這是鐵一般嘅事實.

關於「讀好啲書」, 學校係咁同你講, 因為「讀好啲書」會叫學校形像提升, 你的A就是學校成功的例子. 對唔住, 好似已經轉咗用5**級.

你呀媽都會咁同你講, 甚至作為家長嘅, 會為你考試而請假幫你温書, 幫唔到嘅都係你身邊做精神上嘅支持. 但同時亦會為你拒絻一切令你得到快樂嘅人、事、物, 包括遊戲機, 漫畫同女朋友.

至於「揾多啲錢」, 呀媽(好個啲)會好啲, 叫你再慢慢努力啦. 但唔駛驚, 世界上大把人會同你講. 每次你同班舊朋友出去食飯, 當佢哋一班人講緊自己有幾成功嘅時候, 一問到你做緊咩? 而你又真係傻到照直講之後, 換來幾秒間大伙兒的沉默, 哈.

仲唔少得嘅, 係你女朋友同佢屋企人會都唔會吝嗇咁同你講, 不過好嘅都會包裝一下, 叫「揾多啲錢」做「上進啲啦」, 你唔好誤會, 上進唔係叫你進修, 因為進修唔代表「揾多啲錢」, 係當你「揾多啲錢」時候先係真正嘅「揾多啲錢」.

好啦, 咁邏輯係咩呢? 大槪有兩個:

1. 「讀好啲書」係為咗「揾多啲錢」
2. 「揾多啲錢」>「讀好啲書」>兩樣都冇
3. 當唔能究達到「揾多啲錢」哩個使命嘅時候就 :
「讀好啲書」 = 兩樣都冇

同場仲加送街坊有咩講 (見圖)

唉, 人人都話只想小朋友快快樂樂, 但呢兩個使命只會令人唔快樂, 咁究竟今日我哋想啲小朋友快樂定想佢哋有個使命人生.

自己諗.

(P.S. 係會有人認為可以兼容並存, 當你係咁諗嘅同時, 我又一次MAKE MY POINT...)