又玩電話...

「先生, 我哋係xxx, 需要借點錢嗎? 現在息口好低喎!」

(男的, 找死)

「唔洗啦, 謝謝!」

「唔係喎, 真係好抵喎. 借啦.」

「唔洗啦. 謝謝!」

「唔係喎, 咁低你冇理由唔借喎! 借錢同老婆去旅行都好呀!」

「我唔會借錢去旅行架.」

「點解唔借錢啫?」
(仲嚟, 火力全開!)

「首先, 我先解答你個問題, 點解唔借錢? 有咪唔洗借囉, 你可以借幾多? 」

「咁你想借幾多?」

「咁, 我現金都有二百萬(妄想中), 你借多過二百萬, 我咪諗下囉, 借得少過二百萬, 我都有, 我使鬼借呀. 另外, 同一道理, 我同老婆去旅行, 要洗多過二百萬咪要借囉, 但係我有二百萬呀嘛, 去邊度旅行要二百萬, 有都冇假啦, 香港人邊有咁多假啫.」

「我哋可以借到十八個月月薪喎.」

「我做看更架, 每月5千8, 18個月係104,400, 你唔好問我點解有二百幾萬但係做看更, 係興趣. 得果十幾萬有咩用啫.」

「你唔似囉, 把聲.」

「我65歲啦. 唔做看更有咩做.」

「你唔似囉.」

「我咁好中氣, 唔通似70.」

「哈哈哈. 咁你估下我幾歲?」

「你痴線架, 叫我估你幾歲, 你女人嚟就話啫, 無端端一個男人打電話嚟叫另一個男人估佢幾歲, 你醜唔醜呀你. 收線啦...」