沉默是必要的...

今天發生了一件事, 當時我曾經想力陳己見, 最後選擇了沉默. 我認為沉默是必要的.

甲同事, c9一名, 力數女兒老師與學校的不是, 但根據我的理解, 是甲同事女兒和甲同事的問題, 這已不是竹第一次....當時我曾經想力陳己見, 最後選擇了沉默. 我認為沉默是必要的.(再講都冇用, 有尐人係教唔明)

乙朋友, 女朋友又叫佢買手袋, 佢又係度嘆好慘, 又話冇錢食飯, 又話返工就嚟都冇錢撘車, 同時又繼續同女友甜蜜玩whatsapp......當時我曾經想力陳己見, 最後選擇了沉默. 我認為沉默是必要的.(都唔知係晒命定咩, 我繼續食我嘅屋企便當...)

丙同事, 大叫政府無良, 加咗差餉, 又話供樓幾辛苦, 又話樓價升關佢咩事, 佢又唔係賣樓......當時我曾經想力陳己見, 最後選擇了沉默. 我認為沉默是必要的.(嘥氣...我仍然係每月租緊一層超貴嘅樓, 因為冇錢比首期....)

丁弟兄, 分享神對佢有幾好, 有車有樓有番狗......
茂姊妹, 分享神對佢幾唔公平, 生活有幾難......
當時我曾經想力陳己見, 最後選擇了沉默. 我認為沉默是必要的.(有時生活嘅嘢, 都未必同神有闗, 但為着佢哋好, 都係要比空間佢自己領受...)

仲有...我老婆話...我外母又話...當時我曾經想力陳己見, 最後選擇了沉默. 我認為沉默是必要的.

所以我今年結婚十週年.

其實哩個題目, 真係幾生活化, 只係人只睇到政治, 咪覺得教緊你要接受河蟹囉...

沉默, 係一種藝術, 亦係一種選擇...