上一代的上帝gag

看許冠文先生的舊作 - 天才與白痴, 笑到死咗, 當中不乏上帝gag.

(1)
在精神病院, 院牧和院役的對話

「洗一件衫要幾耐?」
「要一個星期.」
「最快呢?」
「七日吧.」
「上帝創造世界, 連人類也創造了才用了六日.」
「但你出去看一下, 上帝創造的人類都是痴線的.」

(2)
幾個子女在臨終爸爸的床邊:

「今日行恒生指數幾多點」
「仲係170呀, 爸爸」
「唔洗怕, 唔洗怕, 上帝一定保我哋, 上到1700嘅.」
「17, 000都有可能呀爸爸.」

(3)
院牧又見到院役

「我件衫洗好未?」
「尋日星期日點洗呀.」
「星期日就唔做嘢?」
「星期日你嘅上帝都休息啦.」

可見三十多年前, 香港人普遍對上帝的槪念, 就是上帝是創造的, 上帝是保守人的, 是極純的信仰. 但有趣的是, 當年開玩笑的爛gag, 在今日的教會, 仍然是傳福音的卓頭, 可見社會在變, 但香港教會的文化就停在和三十多年前差不多的光景.

是我們站得穏? 還是因循了? 叫信仰流於表面.

最有趣的是, 當年的爛gag, 今日竟變成真, 你環觀香港的人, 為了種種原因, 確實是都痴線了.
而恒指是萬七點以上.

現在才發現, 許冠文先生原來是「先知」.